Bihar Board Result 2026: Bihar Board ke 12th kaksha ke lakhon chhatron ka intezar jald khatam hone wala hai. BSEB yani Bihar Vidyalaya Pariksha Samiti kabhi bhi 12th ka result natije ghoshit kar sakta hai. Natije biharboardonline.bihar.gov.in par jakar check kiye ja sakenge. Bihar Board Inter result 23 March ko bhi sambhav hai. Wahi 25 March tak toh har haal mein natije jari kar diye jayenge. Aapko bata dein ki parinam ek adhikarik press conference mein jari kiye jayenge. Halanki adhikarik taur par tarik ko lekar koi jankari nahi di gayi. Vidyarthi natije ghoshit hone par apna parinam biharboardonline.bihar.gov.in ya results.biharboardonline.com par check kar sakenge.
Is beech Bihar Board 10th 12th result par Bihar Vidyalaya Pariksha Samiti ke adhyaksh Anand Kishore ne badi update di hai. Unhone kaha hai ki March mahine ke ant tak Inter aur Matric dono ka result jari kar diya jayega. Pehle Inter ka result aayega. Unhone kaha ki board ki ore se sabhi taiyariyan lagbhag puri ho chuki hain, isliye result kabhi bhi jari kiya ja sakta hai. Bihar Board Intermediate result 2026 ka intezar kar rahe chhatron ki dhadkanein tez ho gayi hain. Vibhagiy sutron ke anusar Inter pariksha ke toppero ka interview board karyalay Patna mein pura ho chuka hai. Ab Bihar Board 12th ka result 25 March se pehle kabhi bhi jari ho sakta hai.
Is baar bhi ek hi din 12th ki teeno stream Arts, Commerce va Science ka result jari karne ki taiyari hai. Pariksha dene wale chhatron mein parinam ko lekar utsukta charam par hai. Chhatra-chhatrayein lagatar Bihar Vidyalaya Pariksha Samiti ki adhikarik website par nazar banaye huye hain aur baar-baar result update check kar rahe hain. Pichle varsh ki baat karein toh Bihar Board ne March ke ant tak Matric aur Inter ke parinam ghoshit kar diye the. Isi ko dekhte huye is baar bhi chhatron ko umeed hai ki parinam jald hi jari kiye jayenge. Abhibhawak bhi bacchon ke saath barabar chintit aur utsahit nazar aa rahe hain. Ab sabhi ki nazrein board ki ghoshna par tiki hui hain, jo hazaron chhatron ke bhavishya ki disha tay karegi. Parinam jari hone ke baad chhatron ke samne agla lakshya Inter aur Snatak mein namankan ki prakriya hogi. Kai chhatra abhi se apne aage ke course aur college ko lekar yojna banane mein jut gaye hain, taaki result aate hi ve dakhile ki prakriya mein peeche na reh jayein. Idhar, Bihar Vidyalaya Pariksha Samiti ne bhi purv varsh ki tarah is baar bhi March ke ant tak pehle Inter phir Matric pariksha ka result jari karne ki taiyari mein hai.
Also Read –
- Bihar Board Matric Result 2026
- Bihar Board Intermediate Result 2026
- Bihar Board Intermediate Arts Result 2026
- Bihar Board Intermediate Commerce Result 2026
- Bihar Board Intermediate Science Result 2026
Kaise check kar sakenge Bihar Board 10th 12th ka result (Bihar Board Matric Inter Result 2026, Bihar Board Inter Result 2026)
- Step 1: Sabse pehle biharboardonline.bihar.gov.in par jayein.
- Step 2: Matric pariksharthi Matric Result 2026 link aur Inter wale Intermediate Result 2026 par click karein.
- Step 3: Apna Roll Code va Roll Number dalein. Submit karne par aapka result screen par aayega.
- Step 4: Isse download kar print out le lein.
Bihar Board result uprokt adhikarik website ke alawa Bihar Board Live Hindustan (livehindustan.com) par bhi check kar sakenge.
Bihar Board result check karne ke liye pramukh website:
- biharboardonline.bihar.gov.in
- results.biharboardonline.com
- secondary.biharboardonline.com
Bihar Board 12th ka result kab aayega?
Bihar Board 12th ka result 23 March se 25 March ke beech ghoshit hone ke pure aasar hain. Vidyarthi biharboardonline.bihar.gov.in par jakar apna Roll Code va Roll Number dalkar parinam check kar sakenge.
2026 mein Bihar Board Matric 10th ka result kab aayega?
Bihar Board Inter ka result jari karne ke baad Matric ka result jari karega. Bihar Board Matric result 25 March se 31 March ke beech ghoshit hone ke pure aasar hain. Vidyarthi biharboardonline.bihar.gov.in par jakar apna Roll Code va Roll Number dalkar parinam check kar sakenge.
Muzaffarpur mein hua toppero ka interview
Inter ke toppers ka Bihar Board ki ore se interview liya gaya. Shukrawar ko Muzaffarpur jile ke alag-alag schoolon se vibhinn sankayon (streams) ke sambhavit toppers ko Bihar Board ne bulaya tha. Isse pehle Bihar Board ki team jile se 10 school-college se toppers ki practical ki kopiyan lekar gayi thi. Ismein Vigyan, Kala aur Vanijya (Science, Arts, Commerce) ke pariksharthiyon ki kopiyan thin. Inter ke 12 pariksharthiyon ki practical ki kopi team lekar gayi thi.
Mushari aur Azizpur school se sabse adhik kopi li gayi thi. Board ki ore se bheji gayi suchi mein do Inter college hain, baaki ke aath sarkari Plus-2 school hain. Jile ke Vanijya Inter college se Commerce ke pariksharthi ki kopi li gayi thi. Azizpur Plus-Two school se ek pariksharthi ki teen practical ki kopi li gayi thi. Yahan se Science ke pariksharthi ki kopi li gayi thi. Iske alawa Susti Mushari school ke ek hi roll number ki chaar subject code ki practical kopi lekar team gayi thi. In sabhi pariksharthiyon ko board ki ore se interview ke liye bulaya gaya.
Board ki team ne interview mein pariksharthiyon se sambandhit vishayon se sawal puche. Interview dene gaye pariksharthiyon ne bataya ki prashnpatra se alag bhi kitab ke kuch chapter se sawal puche gaye. Inke handwriting ki bhi jaanch hui. Hastakshar (signature) ke alawa Hindi ke saath Angrezi mein kuch sawalon ka jawab likhwaya gaya.
Parivar se juda sawal bhi pucha Ek pariksharthi ka interview lagbhag aadhe ghante tak liya gaya. Ismein kuch sawal maukhik puche gaye toh kuch likhwaya bhi gaya. Sambandhit vishay ke alawa Hindi aur Angrezi se bhi kuch sawal pariksharthiyon se puche gaye. Accountancy mein NPO, sajhedari kise kehte hain, yeh act kab aaya tha, jaise sawal puche gaye. Pariksharthiyon ne kaha ki writing aur hastakshar dono ka milan kiya gaya hai.
Self-introduction ke saath hi parivar ke baare mein bhi pucha gaya. Prashnpatra se alag Hindi aur Angrezi mein bhi alag-alag paath se pucha gaya. Angrezi aur Hindi dono mein Inter ki pariksha mein sambandhit pariksharthi ne jis topic par nibandh (essay) likha tha, uska ek paragraph board ki team ne likhwaya.
Important Link
| Bihar Board 12th Result Date 2026 | https://interbiharboard.com https://www.bsebexam.com/ biharboardonline.bihar.gov.in https://biharboardonline.com/ http://seniorsecondary.biharboardonline.com/ results.biharboardonline.com |
| Bihar Board 10th Result Date 2026 | Link 2 |
| Official Website | Click Here |
| Join Telegram | Click Here |
| Home Page | Click Here |
